In Search of Divine

Yeh sochtaa hu main, ke, Phir kyuu.. sochne baitha? Hazaar kaam hai aakhir, Unhe kartaaa kyu nahi? Hai kaisii yeh nazarr, Joh sach ko dhundh laiti hai, Bhalaa meri nazar auroh-si, Lapataa kyu nahi? Main dekhne mein, Hubahuu-hi unke jaisaa hu, Mere naseeb mein auroh-sa, Silsilaa kyu nahi? Javaab na mile toh kya, Bas ek hi uljhan hai, Na dusaroh sa ji.. saka Toh phir martaa kyu nahi?

Main Nahi Duniyaa ko mujse dur rakhkho, Madh-hosh main nahi, Yeh aks bheed mein mera, Hokar bhi main nahi. Yeh tan badan toh hai mera, Lekin yeh main nahi, Chahe jabaan meri ho, Aawaaz main nahi.

Tune haste hue paagal karaar kar diya mujko, mere barso ke intezaar ka kya phal diya mujko. Mein tere husn ko chahata raha par dilrubaa tune, badi tehzeeb se dil ka bimaar kar diya mujko. Tujhe himmat dilaane ko bhalaa mein teer laya tha, Mere hi teer se sang-dil halaal kar diya mujko. Javaab saare hi mujse yu chinkar tune, Ek uljha hua bebas savaal kar diya mujko.

Maa yeh meri, maa jaisii hai Woh mujko samjha daitii hai, Jab bhi main ghabharataa huu, Maa yeh meri, maa jaisii hai, Maa ko maa saa chahata huu. Har muskil ko seh laitii hai, Sachchi baat batataa huu, Maa yeh meri, maa jaisii hai, Maa ko maa saa chahata huu. Uske kadam jahaa bhi tehre, Mandir wahi banataa huu, Maa yeh meri, maa jaisii hai, Maa ko maa saa chahata huu. Mujko apna dhudh pilaakar, Kan-kan yu majbood kiyaa, Har us kan kaa rishtaa usse, Munkin jabhi nibhaataa huu, Maa yeh meri, maa jaisii hai, Maa ko maa saa chahata huu. Jis ne meri zidd ke khatir, Apna har shukh daman kiya, Uske charan main antar mann se, Apna shish jhuhaata huu, Maa yeh meri, maa jaisii hai, Maa ko maa saa chahata huu. Usko saari khusiyaa de duu, Likhtaa yeh-hi main gaataa huu, Maa yeh meri, maa jaisii hai, Maa ko maa saa chahata huu.