In Search of Divine

Yeh jaruri toh nahi hai ke ishq sabko rulaye, Khuch aise log hai joh roune ki wajah jaante nahi. Yeh jaruri toh nahi hai ke pyar sabko manaye, Khuch aise log hai joh sachchaiyo mein maante nahi. Yeh jaruri toh nahi hai ke khushi sabko hasaye, Khuch aise log hai joh jivan ko safar maante nahi.

Yeh duniya pagal-khaana hai, Har Shakhsh yaha deewana hai. Gungo ko savarrr, andho ko nazar, Bhudho ko bachpan paanaa hai. Murja se gaye viraan mandir, Jaha bheed dhikhe, mehkhaana hai. Khuch baat ke sou-sou matlab hai, Sou-sou matlab ko ginanaa hai. Hum thak se gaye sach dho-dho kar, par bhoj toh phir bhi uthaana hai, Kisi aur ka tod ke ghar apne, Tute huye ghar ko bananaa hai, Sab log huye gumraah itne, manjil hai ke manjil paanaa hai. Pagal sa junoon, pagal si tadap, Har Insaan khud se anjaana hai.

Yeh duniya mere zakhmoh pe, galat vayopaar karti hai, Nihatta hu na jaane phir kyu, mujpe vaar karti hai? Tamamna hai, hai jazbaa bhi, bhala main dil se jeeta hu, Mere yeh, dil se jeene pe, shakata(heavy) inkaar karti hai?

Yeh sochtaa hu main, ke, Phir kyuu.. sochne baitha? Hazaar kaam hai aakhir, Unhe kartaaa kyu nahi? Hai kaisii yeh nazarr, Joh sach ko dhundh laiti hai, Bhalaa meri nazar auroh-si, Lapataa kyu nahi? Main dekhne mein, Hubahuu-hi unke jaisaa hu, Mere naseeb mein auroh-sa, Silsilaa kyu nahi? Javaab na mile toh kya, Bas ek hi uljhan hai, Na dusaroh sa ji.. saka Toh phir martaa kyu nahi?

Yeh aapne humse kya kaha, Bebaak ho gaye, Loho se raaz-ze dil mere, Sab raakh ho gaye. Qafir the hum jaha bhi the, Lachaar ho gaye, Tumse mile lo aaj hum, Phir paak ho gaye.

Beauty Yeh Khubsuratee bhi kya kamaal karti hai, saral si chiz ko yu bemisaal karti hai. Nazar se moh ke jigar ko qaid mein rakhkar yeh apne aashiko ka yu shikhar karti hai Javaab de bhi de toh koi kaise kya daiga Yeh lajavaab sa har ek savvaal karti hai. Sabhise thoudi thoudi bhoound-bhoound le-lekar Kisiko madh bhari jil-mil Phuvaar karti hai English Translation: This Beauty is so amazing by the way its play It turns so simple thing into a wonderful gem. It starts by attracting through eyes and slowly slowly capture the heart from there on and in this way it hunts its lovers and appreaciators. How will somebody will be able to give an answers to her questions because she ask such questions which have no answers at all. It grabs small amount of beauty bit by bit from everybody and then blessed that special some body and make her so attractive and lovable among all.

War between Dhamma and Desires Yeh (dil) na-samjii mein jaane kaisi kaisi baat karta hai, Na jaane kaunsi chizoh pe kya-kar kitna marta hai. Esse har pal rulaane rang-bi-rangi aas aati hai, Na chahe phirbhi roune ko nayi yeh aas karta hai, Yeh na-samjii mein jaane kaisi kaisi baat karta hai. Dharam ka naam lekar aas se ladhkar abhi khush hai, Magar phir ladte ladte jeetne ki aas karta hai, Yeh na-samjii mein jaane kaisi kaisi baat karta hai. English Translation: This heart in its ignorance deisres so wierdly, It dies on different things, at different levels by doing so many different things. Desire comes near by the heart to hurt him and cause him pain, the heart replys back by desiring more, unnoticingly. The heart uses Dhamma to fightback and feels relief for a while but then suddenly unnoticingly inbetween it again start to desire to win the battle ans so looses.

Yeh teri muhobbat, tujhe pyaar karke, Khabhi chhod daigi, toh kya kigiaega, Yeh ishq ka sagar, baraf ka nazara, Khabhi jal-jalaye, toh kya kigiaega, Bhale lakh katoh ko sehana hai aata, Khabhi dum nikale, toh kya kigiaega, Khade ho abhi tak pakad-ke  joh khandha, Voh khandha hilaye, toh kya kigiaega, Bhale sar jukata hai tera mulaajim, Khabhi sar utaye, toh kya kigiaega, Kalam yeh jo teri tu jo chahe likh le, Khabhi vakt mitaae, toh kya kigiaega, Bhale maut gungi a-durusaye hai ab tak, Khabhi khud pukare , toh kya kigiaega, Samander mein moti bhale lakh lekin, Tujhe dikh na paye, toh kya kigiaega, Yeh sari khudai maan-hi-maan mein tere, Khabhi maan ho pathar, toh kya kigiaega.

Dhikave ki duniya Yeh dhikave ki duniya mein tang aa gaya, (1)     Es ke til-mil usul-lohse ghabara gaya. (2)              Savalo javabo ka joh khel hai,     Yeh nadiyoh ka naaloh ka joh mail hai, Mein toh uljeh se baaloh mein uljaah gaya. (1)(2) Galat kya sahi hai, nisana hu mein,     Hu mujrim, hu neta, vidhata hu mein, Apni dohri hakikat se bharma gaya. (1)(2) Kiske haatoh mein kitni hai aazadiyaa,     Tarakki ke raaho mein barbadiya, Thi chalne ki hasrat Main chalta gaya. (1)(2) Bagavat joh ki toh tiraskar hai,     Kitna muskil yeh ristoh ka vayopaar hai, Jaise ungali karaye mein karta gaya. (1)(2) Yeh darpan sa jivan na aasaan hai,     Mujhe janam se hi sach ki pehchaan hai, kaise mudti yeh raaho mein mudta gaya!!! (1)(2)

Yaaro dua karo ke phir aaye na koi aaj,      Ab main kis-si se mil saku aise nahi mijaj. Haatho pe jamm nn koi,nn koi humnawaj,      Tannhaieyo ke saath hu nn kar hame naaraj. Pahle haseen khaab the pahene kae livaz,      Par jabse sach hai rubaru nikali nahi aavaaz. Koi jaraa bhi gham nahi jaisa bhi mera aaj,      Paae hai maan ne har khusi khonepe "mein" ka taj.

Yeh pholo se khilta hua chaman rehne do,              Mujhe banzar jamin ke dard ki aadat hai padi. Mujhe sach ki na koi aas koi chahat hai,              Jooth ki be hisaab roshni har vakt badhi. Akela hu kaha jo dard mere daman mein sajhe              Es jamane me mere saath ki fhojhe hai padi. Reply from bad to good when good ask a question of why aint you ready to become like me? to bad.

Appreciating Natures Beauty Yeh Raatein,Yeh mausam, Yeh khusiyo se bheega nazara, Yeh phooloh ke jaise, Mehekti meri aarzu. Mera dil, meri jaan, Mere saath mein jee uthe hai, Meri har ragho mein, Dhadakne laga hai lahu. Yeh chanda, yeh taare, Yeh hasta nadi ka kinara, Hai dulhan ke jaise, Saja hai sama kya kahu. Hawaae yeh mujko, Ajab si dua de rahi hai, Lage hai ke jaise yeh, Dharti ko ja aoudh lu. Mujhe pyar karne ko, kudrat mara ja raha hai, mein uski muhabbat ko, chahu toh kya naam du. chuke kya anjaam du. Mujhe chain daine yeh sab, ek rang mein range hai, Mein roukar mere aasuvoh se unhe pyar du.

SACHI DISHA KI KHOJ Yu to gam aur khushi ka aadi hu,  (1)    ye magar khuch alag disha si hai. (2) Ek kadam khud se  pyar karta hu,   Ek kadam zindagi parai hai. (1)(2) Manjilain kaun yaha chahata hai,   Manjilain kyu ke aani-jaani hai.  (1)(2) Yahan darta hai kaun marne se,   Maut jab roj ki kahani hai.  (1)(2)

YA KHUDA TERE JAHAN KA, TU HI KAR LE FAISALA,  (1) EK TARAF ROTEE JAMIN HAI, EK TARAF HASTI HAWA.  (2) KISKO KITNA PYAAR DU, AUR KISKO DU AAPNI DUA, AAPNI AAPNI JINDIGI HAI, APNA APNA KAARWA. (1)(2) PARVATOH KA EK SAHER HAI,          EK SAHER BHI HAI MERA, EK MEIN NADIYA THAM GAI HAI, EK MEIN PATHAR CHAL RAHA. (1)(2) JAL SE AMRUT GHUM GAYA HAI,          KYA HUA HAI TU BATA, EK TARAF SUKA HAI BADAL,          EK TARAF PYAASA KUA. (1)(2) VAKT PE KABU NAHI HAI,          CHAL RAHE HAI HAM JAHA , VAKT BHI JAANE KAHAN HAI,          HAI EDHAR YA HAI VAHA. (1)(2) KYA KARU MEIN KYA KARU AB,          TU HI KAR LE FAISALA !!  (1)(2)

Yeh tera savaal tha yeh tera Javaab hai, Dard tere saath tha dard tere saath hai. Ya zeher se dur ho, ya dava ke pass reh, Yeh tere kareeb tha, ab bhi tere saath hai. Koshishe tamam kar Chal raha eilaaj hai, Kal joh zakhm tha bhara phir hara woh aaj hai. kya tera naseeb hai, kya khuda se aas hai, Ghav jisne hai diya Woh tera hi haath hai.