In Search of Divine

India: The time in Evils Favor! Jhooth ko sach banana, bahaut aasaan ho gaya, raakh ko dhool batana, bahaut aasaan ho gaya. rang laakho sunehre hai tej aakhein rizaane ko, koi bhi chitra banana, bahaut aasaan ho gaya. tarazu ke dou palado par koi bhi dor nahi dhikti,  jhukana zor se palada, bahaut aasaan ho gaya. dharam ki baat samajne ko kaha hai vakt sunne ka adharmi raah pe chalna, bahaut aasaan ho gaya. tyag aur tapp ki zameen pe, vasanao ke-ghire baadal, moh maaya mein jee laina, bahaut aasaan ho gaya. 

Jiska intezaar hai voh mera karaar hai, Unse hui hai dosti, unse hi hua pyaar hai. Saari hasi unhise hai, unhise hai saari khusi, Kho gaya hu aaj phir, chah raha khumaar hai.

Jalwo see husn bhar gaya, hai yaar ka mere, Dekho toh sahi rang kya, hai yaar ka mere Naadiyaan hai khuch, Khuch mere yaar mein ada, Thoudi si bekhudi hai, Bahaut pyar ka nasha, Dekho meri nigaah se,  roop yaar ka mere

Jindagi tujko banane ki humne koshish ki, Phook se aag bhujaane ki humne koshish ki. Kabse berang thi mere ghar ki diwaareh, Khoon se rang lagane ki humne koshish ki. Mere hisse mein koi phool kaha se aata, Phool ko bhool hi jaane ki humne koshish ki. Chup hai jazbaat, mera josh, meri khawaeshe, Enko na hosh mein laane ki humne koshish ki.

Jindagi phool si meri houti Voh agar bagbaan mere houte!! Main bhi khushbu se mehekta houta Voh agar bagbaan mere houte!! Main bhi khilata kisi ke baalo mein kisike houth mujhe bhi chumte houte. Log mujko bhi gurrteh rehteh Main bhi logoh ko gurrta rehtaa.

Joh mere naam pe uske kabhi likha khat tha, Us mein dhoodha toh mera naam ka koi nishan hi nahi, Voh mera houke bhi jab anth mein mera na hua, Toh phir kaise kahe ke dil mein unke tha mein kabhi

Chale Hai!! Jinhe jindagi ne bahaut hi rulaaya, unhe aaj hum phir hasaane chale hai. Jo ruthe hue hai phase uljhano mein, unhe hum khusi se, manaane chale hai. Jo bichade hue hai safar mein kinaare, hum unhe asal mein milaane chale hai.

Ji rahe na mar rahe hai, Phir bhi yu hi loot rahe hai, Ae sanam kyu tere pyaar mein. Jindagi tamam humne, Kardi tere naam jabse, Ji rahe hai intazaar mein. Ab na koi aarzu hai, Bas teri hi justaju hai, kho gaye hai kis khayal mein. Har taraf dhua dhua hai, Jaane es-mein tu kaha hai, Aa meri nazar ke saamne. English Translation: I am neither living nor dieing, but then too I feel like I am getting robbed , Just because of your love, My darling. The movement from when I have given my whole life to you, I feel like I am living in endless waiting. I have no wishes anymore within me, what i have  is  you and I am totally lost in your momories from now . Everwhere I see, I see smoke clouds I dont know where have you lost within this, But I want you to come back and allow me to see you . come out of this smoke cloud.

Wrestling between an honest man versus the society. Joh hum-mein bawaraa samajte hai, Woh hum-mein asaraa-sa kya denghe? Hum-ne mar mar ke jisko sichaa hai, Woh fasal aaj woh jalaa denghe. Meri har baat pe joh hasteh hai, kyu mujhe bhik mein dua denghe? Enko kudrat ka kahaa khaltaa hai, Yeh mere aks ko mitaa denghe. Jinka dil hai par phir bhi khali hai, Woh hum-mein de bhi de toh kya denghe? Mere aasu aur phir mere gham ko, Koi tarkeeb se badhaa denghe. "Koi mandir mein ab nahi rehtaa" mere kehne pe bad dua denghe, gehre taano se meri ezzath pe, naastik ke chinha sa bana denghe. Jis gali se mein phir gujar jauu, woh tamasha koi bana denghe, mere zillat se dabe khandho par, bhoj aur koi phir chadhha denghe. thouda behlaakar tohuda pushlakar, mujko marne ke phir salaah denghe, aur kabhi bhool ke yeh joh saas bharu, mujko phir yaad yeh dilaa denghe. mera ensaan sa banana jinhe gawara na ho, woh mujhe aise ya waise jaroor hara denghe, aur phir...

Jawaani din ho ya ho raat, Mujhe behaaal kartee hai, Mere dharam pe aur usool pe Savaal kartee hai. Es ke aane pe main khush, Bhi huu par hairaan bhi, Yeh apne aap hi jeetee toh kabhi martee hai. Koi rassi nahi koi deewar, Jisse bhandh luu esko, Yeh khoob hawaaao se, Apna bachav kartee hai.

Nirantar Pyaas [Constant Desiring] Joh woh hai toh jahaan bhi hai, Magar phir bhi kamee hai, Taro-taazaa khilaa hai tann, Magar mann mein namee hai. Bharam koi bhi rakh laitaa, Khafaa houtaa agar unse, Mere mann ko khilaa de joh, Khahaa aisii zameen hai.

Jalte Aasu Bhige Sapne Rishteh, naate, pal-dou pal mein, Bante, bigadateh, dekha humne. Jalte, aasu, bhujteh, sapne, Kya-kya, na-houte, dekha humne. Khud eshwar ko pooja ghar mein, Til til marteh dekha humne. Jalte, aasu, bhujteh, sapne, Kya-kya, na-houte, dekha humne. Har bachche ko, har aagan mein, Route jagadateh  dekha humne. Jalte, aasu, bhujteh, sapne, Kya-kya, na-houte, dekha humne. Haivaanoh ko insaanoh mein, Sajte savarateh dekha humne. Jalte, aasu, bhujteh, sapne, Kya-kya, na-houte, dekha humne.

Jeev anmol hai esko baicho nahi, Dor kachchi si hai esko khaicho nahi. Arth jeevan ka jaano bade dhyan se, Mann se echacha nikalo balidaan se, Vakt faila hua phir sameto nahi.

What is the real purpose of life, indeed? Jindagi main tujhe sochta reh gaya, (1) Tere anjaam ko khojata reh gaya. (2) Log aate hai aakar chale jaate hai, Apne sapnoh ki duniya bune jaate hai, Aur achanak yeh bunna dhara reh gaya, Yeh joh socha, toh phir, sochta reh gaya. [1,2] Har kahin aadmi ek sa ji raha, Umr paisoh ke pyalo mein ja pi raha, Apni karni ka phal unchua reh gaya, Yeh joh socha, toh phir, sochta reh gaya. [1,2] Umr badhti hi rehti hai ghatti nahi, Pehle bachpan, phir yowan, bhudapa bani, Aakhari saas par main kaha reh gaya, Yeh joh socha, toh phir, sochta reh gaya. [1,2]

Sar jhukana aa gaya Jhute rishtoh ko nibhana aajamana aa gaya, (1) Mujko haste muskuraate sar jhukaan aa gaya . (2)                      Dostoh ke, dhusmanoh ke saath rehena aa gaya ,         Mujko jite-ji jahan mein , saas laina aa gaya. (1)(2) Thaam ke sach-chaeyoh ko kar gujarna aa gaya,         Ab khuda ke saath chalna, aur savarana aa gaya. (1)(2)(1)

SITARO SE KAHI BAATEIN NIBHANI HAI Jatai tumne jo baatein yeh kehkar ki kahani hai,       Mujhe maalum hai ke, baat mein kitna sa paani hai. Bhale main khakh hi chunta raha hu teri nazaro mein,       Mujhe maalum hai ke, khakh mein kiski nishani hai. Tum apni jindagi ko naam doh, viram doh jitne,       Magar mujko sitaro se kahi baatein nibhani hai.

Jaha jaoogeh, khusi laoogeh, Tum bigadati mehfil ko, fir sajaoogeh, Koi sikva na ho, na ho koi gile, Tum dilo ko, sahilo se, yu milaoogeh, Koi daar na rahe, na ho koi bahram, Aesa koi rang, maan ko, tum lagaoogeh, Rota koi na ho, na ho koi udaas, Dhun hasi ki, har kahi tum, yu bajaoogeh.

JAB ANTH KAREEB HO! Jivan samay ki noke par, aakar simat gaya,    Chalna to cha-hata tha magar, sab khuch badal gaya. Saaya mera mujko mare samjhe yu lipat gaya,    Jine ki aas khudko de-de kar fhir palat gaya. Jab Jivan samay ki noke par, aakar simat gaya,    Mujhe dekhkar hasta jo mukh aasu baha gaya. Chalna to cha-hata tha magar, sab khuch badal gaya,    Jab Jivan samay ki noke par, aakar simat gaya.

JISKO  CHAHA  THA  MAINE,          USNE  CHAHA  NAHI. JISKO  MAANGA  THA  MAINE,                  USKO  PAAYA  NAHI. MARI RUH UUS  VAKHAT  TAK  TADAPTI  RAHI,          JAB  TALAK  AASUOO SE  MILAYA  NAHI. HAR KAHI, HAR NAZAR, HAR GALI, HAR DAGAR, MARE AASU, YE AASU, GIRE TO MAGAR, BHULESE BHI  KISI NE, SAMBHALA  NAHI. ZINDAGI MERI  AISE, HI  KAT TI  GAI, VAKT  BHI  SANG, AISE  GUJARTA  GAYAA. DOSTO SE MILA , DUSHMANO SE MILA, FARK  KYA THA, YE MAINE TO JAANA NAHI?

Jivan mane hai ek ghada,         Par voh ghda joh khali hai, Esmein ek pal tanhai toh , Duje pal divali hai.  (1) Hai ek taraf banjar jameen,         Toh ek taraf haryaali hai, Aasaaan sa lagta nahi chahe ho koi bhi safar,         Rishteh to bas har naam ke, Har reet bhi nirali hai,         Ghar ek hai bimaaar toh, Kya dujeh ghar khushali hai. (1)