In Search of Divine

Kora khaghaz, aadhi baatein, Thode khawaab, tuti Kalam. Kya likhe aur Kya kahange Sach hai Kya Kya hai bharam. Dil diwana dhoondhta hai, har Nazar mein aashiqui, Kya kahe kaise samjhaye, darr hai Kya Kya hai sharam.

Intense Love  Kabhi aake mil, tujhe dekh lu, Tu najane kabse, zehen mein hai. Tujhe yaad kar-ta hu bhool ke, Mera ghar yaha, tere ghar mein hai. Mujhe kya khabar, ke main hu kaha, Tera naam bas, safar mein hai. Teri aarzoo, Teri aahatein,  Tera dabdabaa, mere dil mein hai.

Media - Ek Kadvi hakikat Khabar ka khel charo aur, hummein tum kya sunaaogeh? Bhavar mein khud phase ho tum, hummein!! rasta dikhaaoge? Kaha tummein bachi hai sharm, ke tum sacchai ko kehdoh, Jo kabki loot gayi izzat, isse tum kya bachaaoge? Fakt paise ke tatto ho, manoranjan karo sabka, Kabhi gar hosh mein aayo, kya etna shor machhaaoge?

Letter of tears to the ungrateful beloved, after death Khat ko dou char dafa, padhna, padhke roh daina, Meri tasveer pe, joh daag ho, toh dho daina. Maine marte huye khuch aah likhi hai enmein, Koi tafleef ho toh shoukh se bigoh daina. Tumne jeete jee mujhe roz mitaya til-til,  Ab toh main mar gaya, mat mujse shikayat karna. Tumne jeete jee mujhe roz rulaya til-til,  Ab toh main mar gaya, tumbhi khud ko kho daina.

great gatsby Kinaare pe tumhein dekha, toh apne hosh kho baitha, Main kaise ladh jagadhke sahilo se es aur aaya hu!! Mera dil todana hi tha, kiya phir mujse parda kyu? Main kitna khuch tumhare naam se sab chod aaya hu!!

Kitane zakhmoh ko utha kar tulsi aagan mein khili, Kisne mandir mein sajae, kiske aushadh mein mili. Teen mausam se jagadhke khud ko hai kayam kiya, Ab ghamoh ki kyu ho parvah kya! khusi ladhke mili. 

Kyu koi khat mere naam nahi chouda tumne? Ishq ka khel badi bujdili se khela tumne. Maine toh sach mein tumhein jindagi banaya tha, Jaane kya soch ke mujko hai di saja tumne. Meri har bhool pe kitni wajah ginati thi, Bewafai ki koi di nahi wajah tumne.

Khuch raaz humne juganuo ki aad mein likhe, varna toh chandani se hummein hai dillagi bahaut. Taaro se meri dosti vaise toh hai magar, Mujmein dabi aajkal hai bekhudi bahaut. Dekha hai unko jabse yeh dil hosh mein nahi, dhooba hu jabse pyar mein hai mehkashi bahaut.

Kalam ke aasu ko, kagaz hi, phir se poachegaa Khuch es tarah se, apne daag, phir se dhodaigaa. Kiya hai ishq kalam se toh rahe darr ab kya Kalam ki yaad mein yeh janamoh tak nahi soaegaa

Kabhi aap meri dua ban gaye aur, kabhi aap meri duhaai ka karan. Kabhi aap meri hasi ban gaye aur, Kabhi ban gaye meri aakho ki uljhan. Kabhi aap mera guroor ban gaye aur, kabhi meri lajja,Kabhi meri sharam. Kabhi meri raaho ki manjil bane aur, Kabhi ban gaye aap pairo ki adchan.

khud ko kitne paath padha kar, akhir kar main jeet gaya. jhuthi duniya jhute sapne, mera sach bhi bhik gaya. rang berange chaka chound manmohi gham ke saye mein,

Khuch aap apni nigaaho se milkar, Hummein yu nashe mein dubaate rahe. Khuch hum humari nazar se gunaah kar, gunehgaar khud ko banate rahe. Khuch aap apne esaaro ko lekar, rangeen sapne sajaate rahe, khuch hum humari badhi dhakakano ko dabi aahatoh se manate rahe.

Khuda ke naam ko jaage na thik soye hum, Khayalo khaab mein kismat ko kiya roye hum. Haseen raat ke aane ki havas humne ki, Tadapte din ko har-ek baar kiya khoye hum.

Khuch saal pehle ki baat hai, sapno mein jeeta tha main bhi kabhi koi hasaye toh hastaa tha main, bachcho sa routaa tha main bhi kabhi ab hosh ne hai sambhalaa magar, madhhosh rehtaa tha main bhi kabhi jeevan kahani samajta tha main apna vidhataa tha main bhi kabhi koi nisaani mere naam ki, dil se banataa tha main bhi kabhi

9/9/9 Khuch raaz aese khul gaye, Khuch baat aesi jaan lee, Hum sach se yu toh ladhte the, Par haar humne maan lee. Dhundha bahaut, chahat bhi ki, Humne khuda ke naam ki, Muddat lagi par anth mein, Apni sakal pehchaan lee.

Duvidhaa: Where 'I Domain' starts and ends Kaise kare yeh tay ke bhalaa mera haq hai kya? Meri agar hai raah sabhi, toh raastoh ka kya? Apna dharam nibhane ki kasam kha toh li magar, Gar dostoh se pyar karu toh dusmanoh ka kya?

Khush Rahe Voh Humse woh dur hi rahe lekin, Naam ka hi sahi par pyaar rahe. Khush rahe voh gule-guljaar rahe, Unpe khushiya yu beshumaar rahe. Unko jannat si neend kidhmat ho, Hum bhale raat bhar bedaar rahe. Khush rahe voh gule-guljaar rahe, Unpe khushiya yu beshumaar rahe. Milne jhulne se khafa ho toh ho, kamse kam khat ka ikhtiyaar rahe. Khush rahe voh gule-guljaar rahe, Unpe khushiya yu beshumaar rahe.

Kar alvida kar alvida. Hai vakt jaane ka abhi, Kar alvida kar alvida. Arpan tu kar apna sabhi, Kar alvida kar alvida. Saalo talak Andh-kaar mein Main mein jiya, Mein kar jiya, Anteem samay tera abhi, Kar alvida kar alvida. Muh modta bhagvaan kyu, pal pal dikhe haivaan kyu, Karni pe kya rouna abhi, Kar alvida kar alvida. Ag-gyan ko jad se hila, Sachchai se kadhdha mila, Tu hai nahi haara abhi, Kar alvida kar alvida. Jeevan-Maran ek rit hai, Anteem samay amrit hai, Bas dhyan kar gehra abhi, Kar alvida kar alvida. Addhyan kar gehra abhi Kar alvida kar alvida. English Translation: Its time to leave this body and die and so say goodbye, say goodbye. Donate everything wholeheartly and boldly say goodbye, say goodbye. For all this years you loved to lived in darkness, shouting and banging your chest as ME, I and MY,Well now its time to breathe in your last breath, and so say goodbye, say goodbye. No reason to guess why heaven is getting far and ...

Khuch Roz se Dil ne Hummein bimaar bana rakhkha hai Mehboob ke didaar ko ghar baar bana rakhkha hai. Dil jo meri ek baat pe yu de-r tak barasta tha, Ek bhoond ko muddat lage lachaar bana rakhkha hai Dil kal mere har raaste ki manjiloh ka noor tha Pairo tale har raasta bekaar bana rakhkha hai. Us aur se chahat abhi es aur tak aayi nahi, Dil ne magar us shaskhs ko dildaar bana rakhakha hai English Translation: From last few days this heart have made me helpless, Remembering/meeting with her is the only work he do. This heart which on my one wish helped me like anything, suddenly this days he just didnt listen to me and have become useless This heart was my dearest friend and we use to go on many places one after another, but this days every where I go I reach nowhere. She have not yet accepted my love until now but still he has asssumed by default 'YES'as her answer and made her his queen, his beating, his soul.

Khuch toh dil ko khona houga paane ki hai thani to, lena-dena beej dharam ka, laani hai haryali to. Dena kay hai maan pe tere, thouda do ya jayada dou, Lena kay hai vakt pe choudoh, paani hai khushhali to. Aakhir kay hai tera jag mein tera, dhar, jamin ya paani hai, Aaakhe kholoh maan ko tatouloh, laani hai divali to. Sach ko sachai se jaano etrane se houga kya, Maan se main [me mere ] ka bhandhan choudoh, paani hai khushaali to.