Chaltaa main dur tak magar

Chaltaa main dur tak magar,
Bedi thi mere paav mein,
Na dhoop mein rou saka kabhi,
Na has saka mein chaav mein.

Chahat mein phas gaya yeh dil,
Til mil se khuch lagaav mein,
Sapno ki baad chal padi,
Sab kho diya bahaav mein.

Jaisaa samaaj ne kahaa,
Kartaa raha dabaav mein,
Humko seher na bha saka,
Na reh sake hum gaav mein

Mera hunar toh kho gaya,
Zillat se bhare ghaav mein,
Jee khel ne ko keh raha magar,
Kya kheltaa main daav mein?